මගේ Phone ඉතිහාසය

කස්ටිය කොහොමද ඉතින්...? දැන් නං ලියන්න‍ දෙයකුත් නෑ, අද මගේ ජංගම දුරකථන ඉතිහාසය වත් ලියන්න හිතුවා. මේකත් මගේ පරිගණක ඉතිහාසය වගේම පොඩි එකක්. මටම කියලා phone කට්ටක් හම්බවුනේ මම O/L කරලා ඉවර result ආවට පස්සේ, ඒක එදා අරන් නොදුන්නා නං කියලා අද හිතෙනවා. ඒ දවස් වල phone කෑලි හෙන ගණන් නොවැ. ඉතින් පරණ හම ගිය එකක් අඩුවටම ගත්තා. ඒ Nokia 3510i එකක්. කැමරා, Mp3, අනං මනං මුකුත්ම තිබ්බෙ නෑ. හැබැයි color display එකක් හා SMS, MMS, GPRS, තිබ්බා. ඒ දවස් වල සිරාම phone කෑල්ලක් . ඒක මාස 8 ක් විතර අවුලක් නැතුව පාවිචිචි කළා. පස්සේ පස්සේ බැටරිය full charge කරලා විනාඩියක් වත් කතා කරගන්න බැරි තරමට බැටරිය බහින්න පටන් ගත්තා. අළුත් බැටරියක් දැම්මත් වැඩක් වුනේ නෑ. පස්සෙ ආයෙත් Nokia 3510i එකක්ම අරගත්තා. ආයෙත් ඒ phone එකක් ම අරගත්තේ ඒක එච්චරම මට අල්ලා ගිය නිසයි. ගලේ ගැහුවත් කැඩෙන්නෙ නෑ. ඒ 2005 මුල් හරියේ. ඔහොම දිගටම 2006 දෙසැම්බර් වෙනකම්ම ඒ phone එකම පාවිච්චි කළා. කාලයත් එක්කම කැමරාවක් Mp3 අනං මනං තියෙන phone එකක් මටත් ඕනේ වුනා. ඒ දවස් වල මම Motorola V3 phone එකකට මාර ආසාවෙන් හිටියේ . අළුත් V3 එකක් ගන්න හිටියත් ඒකේ මිල දරා ගන්න පුළුවන් මට්ටමක තිබුනේ නෑ. පස්සේ පාවිච්චි කරපු Motorola V3 Black එකක් ගත්තා. ඒ තමයි මගේ පළවෙනි Motorola Phone එක. මාර ආසාවෙන් දවස් 6 ක් පාවිච්චි කලා. ඊලඟ දවසේ supermarket එකකට ගිහිල්ලා එනකොට phone එක නෑ . සමහර විට මඟ කොහේ හරි වැටෙන්න ඇති. නැත්නං කවුරුහරි උස්සන්න ඇති. එක මොහොතකින් phone එක වාෂ්ප වුනා. එදා නං මාර දුකක් ඇති වුනේ. මට කාගේ හරි phone එකක් බිම තිබිලා හම්බවුනොත් අනිවාර්යයෙන්ම අයිතිකාරයාට දෙනවා කියලා මං එදා හිතා ගත්තා. මොකද තමන්ගේ phone එක නැති වුනාම දැනෙන දුක මං දන්න නිසා. (හොඳ වෙලාවට තාම මට කාගෙවත් phone එකක් හම්බවෙලා නෑ)

පෙරළුනු පිට හොඳයි කියලා ආයෙත් පරණ Nokia 3510i එකට බැස්සා. 2007 සැප්තැම්බර් වලද කොහොද Nokia 3510i එක විශ්‍රාම යවලා Nokia 3110 c එකක් ගත්තා. තාමත් මම පාවිච්චි කරන්නේ ඒ phone එක. කැමරාව. Mp3, Memory card, Bluetooth වගේ පහසුකම් තියෙනවා.


මේ කාලෙට අවශ්‍ය HSDPA වගේ පහසුකම් නම් නෑ. දැන්නං මේකත් විශ්‍රාම යවන්න කාලේ හරි වගේ . ආයෙත් phone එකක් ගත්තොත් නං touchscreen එකකටම අල්ලන්න ඕනේ. හැබැයි චයිනා කෑලි නැතුව . රස්සාවක් කරන කාලෙක බලනවා. මේක තමයි මගේ phone ඉතහාසය. ආ... අමතක වුනානේ. විශ්‍රාම යවපු Nokia 3510i එකේ දැන් හුලං ටෙල් සිම් එකක් වැජ‍බෙනවා. එක එක කාලෙට එන සිම් ඉස්සෙල්ලාම දාලා බලන්නේ ඒකට. සිම් එකතු කිරීම මගේ විනෝදාංශය නොවැ.

Windows 7 Upgrade Advisor

කස්ටිය දන්නවනේ වින්ඩෝස් 7 නුත් ආවා නොවැ. සමහර කස්ටය නං වින්ඩෝස් 7 දාලා ගොඩක් කල්. ඒත් තාම වින්ඩෝස් 7 දාලා බලල නැති දැන් XP, Vista පාවිච්චි කරන වින්ඩෝස් ලෝලීන් වින්ඩෝස් 7 වලට මාරු වෙන්න බලනවත් ඇති. ඉතින් 7 වලට OS එක Upgrade කරනව නං තමන්ගේ XP. Vista දුවන මැසිමේ තියෙන Hardware, Software වින්ඩෝස් 7 වලට ගැලපෙනවද කියලා කස්ටිය දැන ගන්න කැමති ඇති. විශේෂයෙන්ම දාලා තියෙන Software. ඉතින් Microsoft සමාගම ඒ සඳහා Windows 7 Upgrade Advisor නිකුත් කරලා තියෙනවා. සමහර අවශ්‍යම වෙන Software ගොඩක් Win 7 සමඟ වැඩ නෑ. ඉතින් ඒවාට Upgrades ඇවිල්ලා තියෙනවද ඒ‍ මොනවද කියලත් බලාගන්න පුළුවන්.

මෙන්න මෙතනින් බාගෙන රන් කරලා බලන්න.

මමත් ගත්තා video card එකක්

කස්ටිය කොහොමද ඉතින්...? ටික දවසකින් බ්ලොග් ලියන්නත් බැරිවුනා. මමත් ගත්තානේ VGA කාඩ් එකක් . මගේ වර්ථමාන මැසිමට දැන් අවු 2කටත් වැඩියි. මේ අවු 2 පුරාවටම මම පාවිච්චි කළේ onboard graphics. මගේ පරණ මැසිමෙත් තිබුනේ Onboard graphics. ඒ කියන්නේ මේක තමයි මම ලැබුණු පළවෙනි VGA කාඩ් එක. මේක Nvidia GeForce 9600GSO එකක්. චාටර් කාඩ් එකක් නං තමයි. මොනව කොරන්නද සල්ලි තියෙන විදියට එපායැ වැඩ කරන්න . චාටර් එකෙත් චාටර් කියන්නේ මේක ඇවිල්ලා DDR 2 මෙමරි තියෙන කාඩ් එකක්. මෙමරි සයිස් එක නං 1GB තියෙනවා. ඇත්තටම මේ 1GB මෙමරියෙන් නං මට වැඩක් නෑ. මේක 256MB GDDR3 වුනා නම් මීට වඩා හොඳයි. 1GB මෙමරියක් පාවිච්චි කරන්න තරම් ලොකු resolution එකක මම ගේම් play කරන්නේ නෑ. brand එක නං EVGA. ඇත්තටම මම ගන්න හිටියේ ATI Radeon 4850 හරි Nvidia 9800GT එකක්. මම මේක ගත්තේ නං newegg එකෙන්. ගාන නං $70. යාන්තං එක්කෙනෙකුට කියලා ගෙන්න ගත්තා. ෂික් $70 ට මීට වඩා හොඳ card එකක් ගන්න තිබ්බා. ලැබීම තමයි.

Default core/shader/Memory ස්පීඩ් පිළිවෙළින් 600/1500/400 MHz. බැලූ බැල්මට ස්පීඩ් මදි වගේ. දන්නවනේ මං ඉතින් හැම එකම overclock කරන බුවානේ . මේකත් පොඩ්ඩක් overclock කරගත්තොත් හොඳයි. වාසනාවට මේ evga කස්ටිය graphics card එක Overclock කරන්න EVGA Precision කියලා පොඩි software එකක් දෙනවා. ඒකෙන් ලේසියෙන්ම overclock කරන්න Fan speed පාලනය කරන්න පුළුවන්. නැත්නම් RivaTuner පාවිච්චි කරන්නත් පුළුවන්. මෙන්න මම overclock කරලා ගත්ත ස්පීඩ් එක. (core/shader/Memory - 700/1750/530 MHz) crysiswarhead ප්ලේ කරන්න තරම් ස්ටේබල්.


මේ graphics card එකේ මො‍නිටරේ සවිකරන්න DVI/VGA පෝට් දෙකක් හා TV out එකක් තියෙනවා. මගේ මොනිටරේ DVI සපෝට් කරන නිසා DVI පාවිච්චි කරන්න පටන් ගත්තා. ඒත් මට නං වැඩි වෙනසක් තේරුනේ නෑ. බලමුකෝ ඉස්සරහට. ඔන්න ඉතින් මේක තමා මගේ පළවෙනි VGA කාඩ් එක ගැන විස්තරේ.

ලංකාවේ පමණයි

කස්ටිය කොහොමද ඉතින්..? මේ දවස් ටිකේ නං අළුත් ටෙක් නිවුස් එකක් වත් නෑ. ලියන්න දේකුත් නෑ. මට ඊයේද කොහොද පින්තූර වගයක් හම්බවුනා. මේවා සමහර කස්ටිය නං දැකලත් ඇති. ඇත්තටම මේවා දැක්කම හිතෙනවා ලංකාව වගේ අමුතුම රටක් වෙන කොහොවත් නැතුව ඇති කියලා. (ලොකු කරලා බලන්න)

ලෝකයේ නිපදවු තුනීම ලැප්ටොප් පරිගණකය

කස්ටිය කොහොමද ඉතින්...? මේ දවස් වල නං ජනෙල් ලෝලීන් windows 7 එනකං බලාගෙන ඉන්නවා. ඒ අතරේ ලිනක්ස් ලෝලීන් Ubuntu 9.10 එනකම් බලාගෙන ඉන්නවා. දැන් ඉතින් මේ OS දුවන්න කොම්පියුරටයකුත් එපායෑ . මෙන්න ඒකට Dell සමාගම උත්තර දීලා. ඔවුන් ලෝකයේ නිපදවු සිහින්ම ලැප්ටොප් කොම්පියුටරය නිපදවලා.

මේක කොච්චර සිහින්ද කියනවා නං සෙන්ටිමීටරයක් වත් ඝනකම් නෑ. හරියටම මිලිමීටර් 9.9 (9.9mm) අඟල් වලින් කියනවා නං අඟල් 0.39 ක්. දැන් තිබෙන සාමාන්‍ය ලැපක් වුනත් අඟල් 1.2 කව වඩා ඝනකම් වෙනවා. මේක ඇවිල්ලා Dell Adamo XPS. මෙහි DVD drive එකක් නම් නොමැත. ජංජාලයක් තියෙනකොට මොන DVD ද? බොහෝ විට මෙහෙයුම් පද්ධතිය වින්ඩෝස් 7 විය හැකියි. වැඩි විස්තර නං තවම හෙළිවී නැත.

වැඩි විස්තර හා පින්තූර

Alcohol 120% & 52%

කස්ටිය කොහොමද ඉතන්...? අද ඉරිදා. සුපුරුදු පරිදි class කට් කලා. අපි හැමෝම වගේ මොකක් හරි ‍computer game එකක් ප්ලේ කරලා තියෙනවානේ. ඉතින් මේ කාලේ එන ගේම්ස් වලට නං DVD 2-3 ක්ම යනවා. දැන් ගේම් එක ඉන්ස්ටෝල් කලා කියමුකෝ. දැන් ගේම් එක පටන්ගන්නකොට පළවෙනි DVD එක DVD Drive එක ඇතුලේ තියෙන්නත් ඕනේලු. අපි ගේම්ස් සල්ලි දීලා ගන්නෙ නෑ කියන එක ප්‍රසිද්ධ රහසක්නේ . බො‍හෝ විට යාළුවන් අතරේ මේ ගේම්ස් DVD හුවමාරු වෙනවා. ඉතින් මේ ණයට ඉල්ලා ගත්ත DVD එක ළග තියා ගන්න බෑනේ. ඒත් ගේම් එක ප්ලේ කරන්නත් ඕනෙ නිසා අපිට DVD එකේ Image එකක් හදාගන්න පුළුවන්. ඒකට පාවිච්චි කරන්න පුළුවන් වටිනා software එකක් තියෙනවා. ඒ තමා Alcohol 120% හා Alcohol 52%. ඒත් අවාසනාවකට වගේ මේ Alcohol 120% කියන සංස්කරණය මුදල් ගෙවලා ගන්න ඕනේ. ඒත් Alcohol 52% නොමිලේ ලබා දෙනවා. ඉතින් මේ Alcohol 52% ඉන්ස්ටෝල් කලාම අළුත් DVD එකක් My computer වලට එකතු වෙනවා. ගේම්ස් DVD විතරක් නෙවේ. ඕනෙම සිංදු, ‍‍ෆිල්ම්ස්, software DVD, CD, එකක් image එකක් විදියට HDD එකට කොපි කරගන්න පුළුවන්. ඒත් Alcohol 52% වල එක අවුලක් තියෙනවා. මේ HDD එකට කොපි කරගත්ත image එක Alcohol 52% වලින්ම Burn කරන්න බෑ. ඒත් Alcohol 120% වල මේ image එක Alcohol වලින්ම burn කරන්න පුළුවන් වගේම තව පහසුකම් ගොඩක් තියෙනවා. මේ virtual drive කොච්චර තිබුණත් මට නං Alcohol තරං වෙන එකක්වත් අල්ලලා ගියේ නෑ. මේක win 7 RC (build 7100) එක්ක හොඳන් වැඩකරනවා ඒත් Win 7 RTM (build 7600) එක්ක නං වැඩ කරන්නේ නැත.

මෙතනින් බාන්න

Alcohol 52% & Alcohol 120% (15 day trial)

Microsoft 128bit මෙහෙයුම් පද්ධති ගැන සිතයි

කස්ටිය දන්නවනේ Windows 7 මේ ඔක්තොම්බර් 22 වෙනිදා එනවානේ. මේක 32bit හා 64bit මාදිලි දෙකෙන්ම නිකුත් කරනවා. ඒත් තවමත් ගොඩක් කස්ටිය භාවිතා කරන්නේ 32bit. බොහෝ software 64bit සපෝට් නොකිරිම හා රියදුරු ගැටලු මේ 32bit OS වලම කස්ටිය තියාගෙන ඉන්‍න හේතු වෙලා තියෙනවා. ඒත් දැන් 4GB ram එක්ක අළුත් ලැපක් ගත්තොත් තියෙන්නේ 64bit OS එකක්.

දැන් කතාව මේකයි දැන් Microsoft සමාගම මේ 32bit OS එක කැලේට දාලා 128bit OS වලට අත දාන්න යනවාලු. (as osnews) වින්ඩෝස් 7 වලට පස්සේ පැමිණීමට තිබෙන Win 8 & Win 9 (සමහර විට වින්ඩෝස් කෑල්ල හැලි යාමට පුළුවන) මේ මෙහෙයුම් පද්ධති 128bit OS එකක් හැටියට නිපදවන්න සූදානම් වෙනවාලු. බොහෝ විට වින්ඩෝස් 7 මෙහෙයුම් පද්ධතිය අවසාන 32bit OS වනවාට සැකයක් නෑ. Win 8 වලදී 32bit සංස්කරණයක් නිකුත් නොවීමට පුළුවන් අතර 64bit හා 128bit ලෙස ඉදිරිපත් විමට පුළුවන. 128bit OS එකක් රන් කිරිමට 128bit Processor එකක් අවශ්‍ය නිසා පළමුවෙන්ම ඒ ගැන සලකා බැලිය යුතුයි.

වැඩි විස්තර මෙතන

මේ දවස් වල මම

කස්ටිය කොහොමද ඉතින්...? මේදවස් වල මම නං ටිකක් සෝක මූඩ් එකෙන් තමයි ඉන්නේ. class එකට යන්නෙත් අවාරෙට පොල් වැටෙනවා වගෙයි. උදේට හිතුනොත් යනවා. නැත්නං නෑ. ට්‍රේනින් කියලා එකක් තියෙනවා මෙලෝ රහක් නෑ. දැන් නං මේ ක්ලාස් වලට ගිහිල්ලා හරියන්නෑ. පොඩ් ජොබ් කට්ටක් වත් හොයා ගන්න ඕනෑ. අපිත් දැන් එන්න එන්න වයසට යනවා නොවැ.

ඉතින් දෙයියනේ කියලා ගෙදර ඉන්න දවසකට මොකක් හරි වැඩක් කරන්න පටන් ගන්නකොටම මොකෙක්ගෙන් හරි කෝල් එකක් එනවා එක්කෝ කියයි මැසිම වැඩ නෑ, ජනේලයක් දාලා දීපන්, ඔය වගේ එකක්. මේ ළඟදි ඔන්න එකෙක්ට වින්ඩෝස් 7 ඕනෙලු. මිනිහගේ මැසිම Celeron 2.80GHz. 512 රැම් 80HDD එකක්. හැබැයි ඒකේ පොඩි අවුලක් තියෙනවා. 1st Boot එක CD කරලා CD එකෙන් Boot වෙනකොටම මැසිම off වෙනවා. මෙහෙම ලෙඩක් නං මම ජීවිතේට දැකලා නෑ . ‍Ubuntu දැම්මත් ජනේලයක් දම්මත් එකයි. DVD drive එකත් අළුත්ම එකක්. පස්සේ ඒකට දාලා තිබ්බ XP එකේ ඉදන්ම වෙන පාටිෂන් එකක් Format කරලා Win 7 දම්මා. අපෝ.... මල චාටර්. start එක ක්ලික් කරලා තත් 5 කට විතර පස්සේ ස්ටාට් මෙනු එක එනවා. මටම එපා වුනා. ඒත් මිනිහට හොඳයිලු. 7 වල තියෙනවනේ අර Harware වලට ලකුණු දෙන පොඩි ගැජට් එකක් windows index experience කියලා. ඉතින් ඕක බැලුවම Celeron 2.80GHz Processor එකට ලකුණු 1.4 ක් ලැබිලා. Intel Atom 1.60GHz Processor එකටත් 2.3 ක් විතර ලකුණු ලැ‍බෙනවා.

හැමදාමත් වගේ ටෙලිකොමා සමඟ නං පුෂ්පය පැනලා ඉන්නේ. ෂික් මුං මට ADSL activate කරලා දෙන්නෑනේ. සර් සිග්නල් පාස්වෙන්නෑ, කියලා තමයි කියන්නේ. ඔන්න දැන් ටෙලිකොමාත් Wimax දෙන්න යනවලු. ඒකවත් ගන්න ලැබුණොත්. ඒත් ලංකාවේ WiMax = චාMax . මේකත් චා වෙයිද දන්නෑ. ඒ අතරේ මොබිටෙල් 2GB පැකේජ් එක 4GB කළා . ඒකනං ලොකුම සහනයක්. ADSL වැඩේට තව ටික දවසක් ට්‍රයි කරලා බැරිම වුනොත් මොබිටෙල් 8GB එකටවත් මාරුවක් දාගන්නවා.

අර හිරු FM කියලා එකක් තියෙනව නේද? ඔන්න ඊයේ හිරු FM එකේ කියනවා Vista සිංහල UI එකේ screen shot එකක් එවන්නලු. තරඟයක් තියෙනවා රු 10,000 ක් දෙනවාලු. මේල් address එක නං මතක නෑ. කස්ටිය VB එකේ හරි vista සිංහල UI එක දාලා screen shot එකක් යවන්න. පෙර කරුමයකට වත් පාත් වුනොත් රු 10,000ක් නේ . හිරු FM අහලා මේල් address එක හොයාන්න.

Smartphones මෙහෙයුම් පද්ධති වෙළඳපොළ

කස්ටිය කොහොමද ඉතින්...? දන්නවනේ ඔය අපේ අතේ තියෙන Phone කෑල්ලෙත් OS එකක් තියෙනවනේ. ඒ අතරේ ඔය iPhone කියලා එකක් ආවනේ මීට අවුරුදු 2 -3 කට කලින්. දැන් මේ iPhone එකේ තියෙන OS එක (iPhone OS) මේ Smartphones OS අතර අංක 1 වෙලාලු. අනේ මෙච්චර කාලයක් අංක 1 හිටිය Nokia Smartphones වල එන Symbian OS එක දෙවැනි තැනට ඇවිල්ලා. Android එකත් යාන්තං 4 වෙනි තැන එල්ලිලා ඉන්න කොට අපේ සුපුරුදු ජනේලෙට ඇපත් නැතිවෙලා. තව ටික දවසකින් iPhone එකත් IPhhone OS එකත් මුළු Smartphones වෙළඳපොළම අල්ලාගනියිද දන්නෑ.

විස්තර

* * * * *

මේකත් මෙ‍තෙන්ටම ලියන්නං.

ඔය portable HDD තියෙනවානේ. හරි පරිස්සමෙන් පාවිච්චි කොරන්න ඕනෑ. බිම වැටුනොත් හරි හේදුවොත් හරි බ්ලාස් වෙලා යනවා. මෙන්න දැන් ADATA සමාගම රළු පාවිච්චියට සුදුසු portable HDD එකක් හදලා. මේක බිම වැටුනත් වතුරට වැටුනත් එච්චරම අවුලක් නෑලු. රබර්/ප්ලාස්ටික් එකතුවෙන් හදලා තියෙන ද්‍රව්‍යකින් මේකේ බාහිර ආවරණය නිපදවලා තියෙනවා. ආරංචි විදියට පළමුවෙනි වතුරට ඔරොත්තු දෙන portable HDD එකලු මගේ රළු පාවිච්චියට නං එළ. 250GB, 320GB, 500GB, 640GB ප්‍රමාණ වලින් ලබාගන්න පුළුවන්.