ජෙල් සහ මං

කස්ටිය කොහොමද ඉතින්..? ජෙල් කිව්වම එක එක ජාතියෙ පෙල් තියෙනව. මම මේ කියන්නේ හෙයා ජෙල් ගැන. ජෙල් කියන්නේ කොව්වර ප්‍රයෝජනවත් දෙයක්ද? මමත් ඉතින් මේ හෙයා ජෙල් වලට ඇබ්බැහි වෙච්ච කෙනෙක්. දවස පුරාහ ජෙල් ගාගෙන තමයි ඉන්නේ... ගානව කිව්වට නානව. දැන් ඉතින් ඒකේ ප්‍රතිඵල හම්බවෙලා. මගේ කොණ්ඩෙ දැන් තඹ පාට වෙලා. ඒක කමක් නෑ කියමුකෝ. ඒත් දැන් මාස 3 -4 ක ඉදලා මගේ කොණ්ඩෙ යනවා. හෆෝයි.... මට ලොකු ජෙල් ටින් එකක් පාවිච්චි කරන්න පුළුවන් මාස 1 1/2 විතර තමා. ඒකක් 150 විතර වෙනවා. ගෝල්ඩ් තමයි පාවිච්චි කරන්නේ. මටම දැන් තේරෙනවා ජෙල් පාවිච්චිය හොද නෑ කියලා. ඒත් ඉතින් කොණ්ඩෙට ගාන්න වෙන මොනවද තියෙන්නේ? හෙයා ක්‍රීම් ගාන්නත් බෑ. ජෙල් හොද නැත්නම් හෙයා ක්‍රීම් හොදත් නැ. අනිත් ඔප්ෂන් එක තමයි පොල්තෙල්. හෆෝ... ඒත් පොල්තෙල් ගාල පාරෙ බැහැල යන්නේ කොහොමද? අව්වට පොල්තෙල් ටික මූණ දිගේ බේරෙනවා. අනික තමයි ජෙල් ගෑවම වගේ කොණඩෙ ගල් වෙලා තියෙන්නෑ. ම‍ට කොණ්ඩෙ බේරගන්නත් ඕනේ ඒත් හෙයා ජෙල් අත්හරින්නත් බෑ... මේකට වෙන විසදුමක් අනතර්ජාලෙන්වත් හොයා ගන්න ඕනේ.