මගේ බයික් ඉතිහාසය

අද නම් මගේ බයික් ඉතිහාසය ලියන්නයි කල්පනා කොළේ. කවුරු හරි මගෙන් ඇහුවොත් වැඩියෙන්ම කැමති දේවල් මොනවද කියලා..? මගේ පළවෙනි උත්තරේ තමයි බයික්. ඒ තරමට මම බයික් වලට කැමතියි. මට ඉස්සර තිබ්බේ පුටාර් එකකනේ කොහෙද යන අනන්‍යතාවක් නැති එකෙක් ඒක ඉස්සුවානේ. අනේ මං එහෙ මෙහෙ රවුං ගහපු මගේ පුටාර් එක. පස්සේ ඉතින් ගෙදර කස්ටියට මං ගැන දුක හිතිලා මට බයික් එකක් අරන් දුන්නා. ඒක Bajaj CT100 එකක්. ම‍ම ඒ දවස් වල බයික් පදින්න දන්නැති නිසා පරණ එකක් තමයි අරගත්තේ. ලයිසන් තිබ්බෙත් නෑ. මම ම ඉතින් මේක පදින්න ඉගෙන ගත්තා. පුටාර් පැදපු මට මේකත් කජ්ජක්ද?  ඒ දවස්වල මේක කන්දක් මැද එහෙම නැවැත්තුවොත් සොරි තමා. උඩට ගැනිලි බොරු. මම ඉතින් කන්දක් දකිනතකොට කන්ද මැද නතර කිරිමට නොලැබේවා කියල දෙවියන් සිහිකරගෙන තමයි යන්නේ. ඔහොම බයික් එක මාස හත අටක්ම පැද්දා. ලයිසනුත් ගත්තා. ඊට පස්සේ ඕන වැඩක් දාන්න පුළුවන් වුනා. මාර වේගෙන් යන්නත් පුරුදු වුනා. සාමාන්‍ය පොඩි පාරකදි වුනත් වේගය 60kmph කට වැඩි වුනා. හොද කාපට් පාරකදි වේගය ඊටත් වැඩියි. දන්න කියන කස්ටිය කිව්වා ඔච්චර වේගෙන් යන්න එපා කියලා. මම ඒවා තුට්ටුවකට ගණන් ගත්තේ නෑ. බයික් එක අරන් මාස 10 කට විතර පස්සේ කොළඹ මිගමුව පාරේදි මාව හැප්පුනා. වෙන බයික් කාරයෙක් පාර හරහා අනෙක් පැත්තට යනකොට මිනිහගේ බයික් එක පාරටම පාර මැද නතර වුනා. මම පාර දිගේ කෙලින් ආවේ 65 - 70kmph කට විතර ආපු මම අර මිනිහගේ බයික් එකේ හැප්පුනා. මාව උඩින් විසිවෙලා ගියා. හෙල්මට් එක නිසා ඔලුව බේරුණා. පාර දිගේ ඇදිලා ගිය නිසා අතයි කකුලයි පොඩ්ඩක් ලෙලි ගියා. අත පය නම් කැඩුනේ‍නෑ. හැබැයි බයික් එක කුඩු. ඉස්සරහා රිම් එක ඇද වුනා, පෝක් දෙක, හැඩල් එක ඇද වුනා, ලයිට් අනං මනං කුඩු වුනා. පස්සේ බයික් එක හදන්නෙ නැතුවම හෙන අඩුවට විකුණලා දැම්මා. (ඉන්ෂුවරන්ස් තිබ්බෙ නෑනේ) තුවාල එහෙම සනිප වුනාම ආයෙත් බයික් එකක් ඔනෙ වුනා. මාස කිපයකට පස්සේ හිමින් යාමේ පොරොන්දුව පිට ආයෙත් බයික් එකක් අරගෙන දුන්නා. ඒක Bajaj Pulsar 150 Digital එකක්. තාමත් මම පදින්නේ ඒ බයික් එක. මේකේ ගියර් දාන්නෙ උඩ පැත්තට. ඒක පුරුදු වෙන්න මට මාර කාලයක් ගියා.

(මගේ යකඩ අස්සයා)

දැන් මේකට අවු දෙකකට කිට්ටුයි. දැන් නම් මම හයියෙන් යන්නෑ. සාමාන්‍ය වේගය 45 - 50kmph යි. හොදම පාරකදි නම් 60 ට විතර යනවා. ඒත් දවසක් හදිස්සියකට 90ත් පැනලා ගියා. හෆෝයි ආයෙනම් යන්නෑ. හිමින් ගිය නිසා වෙනන ඇති තාම මම මේ pulsar එකෙන් වැටුනේ නෑ. මම නම් බයික් පදින උන්ට, බයික් ගන්න ඉන්න උනට කියන්නේ පුළුවන් තරමි හිමින් යන්න. හදිස්සියට කියලා හෙන වේගෙන් ගිහිල්ලා හැප්පිලා මාස ගණන් ඇදට වෙලා ඉන්නවට වඩා හිමින් ගිහිල්ලා පැය ½ ක් පරක්කු වුනාට කමක් නෑ කියලයි මම හිතන්නේ. බයික් කාරයෝ හයියෙන් යන්නේ හදිස්සියට නෙවේ ජොලියට, ආතල් එකට. මේ මොන බයිලා ගැහුවත් මමත් හයියෙන් යන වෙලාවල් තියෙනවා. බැරිවෙලා වත් මම මාස 2 – 3 ක් මේ බ්ලොගය ලියන්‍නැතුව හිටියොත් මාව බයික් එකෙන් හැප්පිලා උඩ ගිහිල්ලා තමයි. පල්සරේ ගත්තට මොකද මම ආසම බයික් එක Suzuki GSX1300R Hayabusa . මේක 1300cc බයික් එකක්. 340kmph කට විතර යන්න පුළුවන්. Dhoom 1 ෆිල්ම් එකේ තිබුණෙත් මේ බයික් එක තමා.ඉතින් මේක තමයි මගේ බයික් ඉතිහාසය.

බයික් වලට කැමති කස්ටියට. බයික් review සයිට් එකක් මෙතන තියෙනවා.