USB flash drive එකෙන් windows 7 ඉන්ස්ටෝල් කරමු

කස්ටිය කොහොමද ඉතින්..? දන්නවනේ windows 7 නුත් ආවා. කස්ටිය දැන් වින්ඩෝස් 7 දාලත් ඉවර ඇති. ඒත් netbook එකක් තියෙන එක්කෙනෙක්ට හරි DVD drive එකක් නැති එක්කෙනෙක්ට හරි windows 7 install කරන්න වුනොත්..? USB Flash drive තමයි පිහිට. Bootable USB flash drive එකක් Command Prompt එකේ කෝඩ් දෙකතුනක් කොටපුවාම හදාගන්න පුළුවන් . ඒත් දැන් Microsoft සමාගම Windows 7 USB/DVD Download Tool කියලා පොඩි ගැජට් software එකක් නිකුත් කරලා. (Free & open source ) මේකෙන් bootable Win 7 Flash drive එකක් හදා ගන්න පුළුවන්. පස්සේ Flash drive එකේ ඉඳලා win 7 install කරන්න පුළුවන්. මේකට අවශ්‍ය windows 7 ISO එකක් Microsoft Store එකෙන් ඩවුන්ලෝඩ් කරගන්න පුළුවන්. නැත්නං win 7 DVD එකක් තියෙනව නං DVD drive එකක් තියෙන කොම්පියුටරයකින් ISO image එකක් හදාගන්න පුළුවන්. දැන් Windows 7 USB/DVD download tool එකෙන් bootable USB flash drive එකක් හදලා දෙයි

දැන් කොම්පියුටරය Flash drive එකෙන් Boot කරලා සාමාන්‍ය විදියට windows 7 install කරන්න. හරිම සරලයි. තව දෙයක් ඉස්සෙල්ලාම Flash drive එක backup කරගන්න. 4GB ප්‍රමාණයේ Flash drive එකක් මේකට වුවමනා වෙනවා.

Windows 7 USB/DVD Download Tool බාන්න. Free & open source (2.59 MB)

Broadband බදු

කස්ටිය කොහොමද ඉතින්...? Broadband.., ලංකාවේ ජනප්‍ර්‍රිය මාතෘකාවක්නේ.. ඉතින් අද ලංකාවේ හැම දේටම බදු ගහනවා වගේ මේකත් බද්දක් කියලා එකක් තියෙනවා. ඒක ගැන පොඩ්ඩක් ලියන්න හිතුවා. ගොඩක් අය මේ tax එක ගැන උනන්දු නෑ. අඩුවට Broadband දෙනවා නං tax එක ගැන නොහිතා agreement එකකටත් යටත් වෙලා connection එක ගන්නවා. පස්සේ බිල ආවාම තමයි tax එක මතක් වෙන්නේ.

ගොඩක් අය පාවිච්චි කරන්නේ ADSL, WiMax නිසා ඒකට තියෙන tax එක මුලින්ම බලමු. ADSL Home (512kbps Unlimited) එකේ ගාස්තුව රු 1600 ‍ක් වෙනවා. මේකට tax එක ලෙස VAT 12.37% ක් හා NBT 3.09% ක් එකතු වෙනවා සම්පූර්ණ tax එක 15.46% ක් වෙනවා. එතකොට රු 1600 සියළුම tax සමඟ රු 1847.36 ක් වෙනවා. මේ විදියට රු 1750 ක Dialog WiMax Home (512kbps Unlimited) ගාස්තුව tax සමඟ 2020.55 ක්. රු 2000 ක Bell WiMax (512kbps Unlimited) tax එක්ක රු 2309.20 ක් වෙනවා. ගාන අඩුවට තිබ්බ‍ට tax එකතු වුනාම කෝමද ගාන ?

ඊලඟට Mobile Broadband.., Mobile Broadband අඩුයි අඩුයි කියලා දුන්නට මේකේ සම්පූර්ණ tax එක 31.31% ක් . රු 890 ක Mobitel 4GB පැකේජය සඳහා tax සමඟ රු 1168.66 ක් ගෙවන්න වෙනවා. ඒ කියන්නේ ගිගාබයිට් එකක් රු 292 කටත් වඩා වැඩියි . රු 1290 ක Mobitel 8GB පැකේජයට tax සමඟ 1694 ක් පමණ වෙනවා. Broadband සඳහා අය කරන tax එක වගේ දෙගුණයක් Mobile brodband සඳහා අය කරනවා. බැලූ බැලුමට අසාධාරණයි.

‍ඒත් මෙහෙම අලි බිලක් හා විශාල tax එකක් අරගෙන ලබලා දෙන සේවය ගැන නං කියන්න වචන නෑ. ඒක කොයි ISP ටත් එකයි. ඉතින් Broadband connection එකක් ගන්නවා නං පොඩ්ඩක් tax එක ගැනත් හිතලා බලන්න

e Asia බැලීමට ගියෙමි

කස්ටිය කොහොමද ඉතින්..? පහුගිය දවස් ටිකේ BMICH එකේ e Asia තිබ්බනේ. දෙසැම්බර් 2 ඉඳලා 4 වෙනිදා වෙනකම් තමයි තිබුනේ. මමත් ගියා ඉතින් ඕක බලන්න. තනියෙම යන්න කම්මැලි නිසා යාළුමාළුවෙකුත් ඇඳගෙන යන්න හිටියත් එකෙක්වත් ආවෙ නැති නිසා මම තනියෙන්ම ගියා. ඒත් BMICH එක හොයා ගන්න බැරිව පැයක් විතර ඇවිදලා අන්තිමට ත්‍රීවීලර් එකකටත් රු 220 ක් පූජා කරලා යාන්තං BMICH එකට ගියා .

ඇතුල් වෙන තැනම අප්සැට් කණ්නාඩි වගයක් හයිකරලා තිබ්බා. ඒ කණ්නාඩි වලින් මාව පේනකොට මටම හිනා යනවා . කොහොමහරි ඇතුලටත් ගියා කියමුකෝ e Asia 2009 කියලා ලොකුවට ගහලා තියෙනවා. එක එක උන් එතන ඉස්සරහට වෙලා ෆොටො ගන්නවා. මේ තියෙන්නේ එතන් ෆොටෝ එකක්.


එතනින් ඇතුලට ගියාම දවසක්ම බලන්න දේවල් තියෙනවා. මතක හැටියට ඉස්සෙල්ලාම තිබ්බෙ SLT එකේ stall එකක් . තමා. ලස්සන අක්කලා ඉන්නවා . SLT එකේ වැඩගැන දන්නා නිසා එතන අක්කලා ටික බලලා මාරු වුනා. පස්සේ ඉතින් වටේම ඇවිද්දා. Asus stall එකේ කොම්පියුටර් ටිකක් අල්ලගෙන කස්ටිය ගේම් ප්ලේ කරනවා. එතනත් ටිකක් බලාගෙන ඉඳලා. ටෙක්කතා stall එක හෙව්වා. ඒ හොයන අතරේ මෙන්න බොලේ ඔරිජිනල් මැක් එකක් තියෙනවා. පටස් ගාලා එතනට සෙට් වුනා. මගේ ජීවිතේ පළවෙනි පාරට ඇත්තම මැක් එකක් දැක බලා ගත්තා. දැක්කට විතරක් මදි පොඩ්ඩක් අතපත ගාලා බලන්නත් එපා යැ . යාන්තං ක්ලික් දෙකතුනක් කලා.


එතනිනුත් මාරුවෙලා පොඩ්ඩක් එහාට මෙහාට යනකොට ටෙක්කතා + සිංහල bloggers stall එක හම්බවුනා . කාලිංග අයියා සහ මලින්ත විතරයි එතන හිටියේ. මම යනකොට එතන කොල්ලො සෙට් එකක් පිරිලා. යාන්තං වචනයක් දෙකක් කතා කරලා එතනිනුත් මාරු වුනා. පස්සේ ගියා samsung stall එකට. මෙන්න බොල් එතන Samsung LED TV (LED-backlit LCD TV) තියෙනවා. TV එක නිකං පත්තර කොළයක් වගේ. හිතාගන්න බැරි තරම් හීනියි. සේරම stall වලට ගිහිල්ලා බලලා BMICH එකෙන් එළියට එනකොට හවස 4 ට විතර ඇති. කොටුවේ ඉඳලා වත්තල පහුවෙනකම්ම ට්‍රැෆික් . හෆෝයි.. එපාම වුනා. 6 ට විතර යාන්තං ගෙදරට ආවා.

මේ දවස්වල ජීවිතේ

කස්ටිය කොහොමද ඉතින්..? මෙකනං පොඩ්ඩක් අල පෝස්ට් එකක් . ලියන්න හිටියේ වෙන එකක්. ඒත් ලියවුනේ වෙන එකක්. ඒ නිසා එච්චර ගණන් ගන්න එපා . ඕං දෙසැම්බර් මාසෙත් ආවලු. ඔන්න මේ අවුරුද්දත් ඉවර වෙන්න ළඟයි. දැන්නං එන්න එන්න බ්ලොග් ලියන එකත් මඟඇරෙනවා. ගිය මාසෙට පෝස්ට් 6 ද කොහෙද දැම්මෙ. මේක තව ටික දවසකින් මාසෙට එකක් වෙයිද දන්නෙත් නෑ. එහෙම නොවී බ්ලොගය ගැනත් ටිකක් බලන්න ඕනේ. එත් ලියන්න දේවල් නැති එක තමා පුරස්නේ. අනික මොබිටෙලය විසින් පාරිභෝගිකයාට සලකන විදිය දැක්කමත් නෙට් එක පැත්ත පලාතේ එන්න හිතෙන්නේ නෑ .

පහුගිය මාසෙම වගේ කස්ටිය උබුන්ටු ගැන ලිව්වනේ. මමත් ඉතින් දාලා තිබ්බ super Ubuntu 9.04 එක අයින් කරලා දැම්මා ubuntu 9.10. super ubuntu 9.10 එනකං බලන් හිටියත් ඒක එන පාටක් නැති නිසා normal ubuntu දැම්මා. පස්සේ දෙයියනේ කියලා Nvidia vga driver එකේ ඉඳලා VLC player දක්වා දේවල් මොබිටලයෙන් බෑවා. දැන් මම මේ බ්ලොග් පොස්ට් එක ලියන්නෙත් උබුන්ටු වල ඉඳලා. මේක තමයි මම උබුන්ටු වල ඉඳලා ලියන පළවෙනි පෝස්ට එක . අනික මේ දවස් වල මගේ ජනේලෙට වෛරස් යාළුවෙක් ඇවිල්ලා . avast එකත් ඔහේ බලාගෙන ඉන්නවා. ඒ නිසා එක අයින් කරගන්නකම් උබුන්ටු වලම ඉන්නවා.

මේ තියෙන්නේ මගේ ඩෙස්ක්ටොප් එක. හරී... උබුන්ටු කතා ඉවරයි.

* * *

දෙසැම්බර් මාසෙත් ආපු නිසා ශ්‍රී පාද වන්දනා සමයත් ඇවිල්ලා. මම නං එකපාරක් ශ්‍රී පාද කන්ද නැගලා තියෙනවා, ඒ 2003 දී, ආයෙත් යන්න නං ආසයි කවුරුහරි කස්ටියක් සෙට් වුනොත් යන්න ඕනේ. හැටන් පාරෙන් නං ගිහිල්ලා කිසිම ගතියක් නෑ. යනවා නං යන්න ඔනේ රත්නපුරේ පාරෙන් . ටිකක් දුෂ්කරයි ඒත් හොඳ අත්දැකීමක්. කවුරුහරි ශ්‍රී පාදේ යන්න ඉන්නවා නං එක පාරක් රත්නපුරේ පාරෙන් ගිහිල්ලා බලන්න. ඒක අමතක නොවෙන ගමනක් වෙයි.